بین الاقوامی تجارت

بین الاقوامی تجارت اور سرمایہ کاری کینیڈین کمپنیوں، گاہکوں اور کارکنوں کو عالمی معیشت سے جوڑتی ہیں اور اشیاء اور خدمات کو کینیڈا اوراس کے تجارتی شراکت داروں کے مابین رواں دواں رہنے دیتی ہیں۔

کینیڈا کی تجارت بین الاقوامی تجارت پر کافی حد تک منحصر ہے۔ یہ ملک اس بات کو تسلیم کرتا ہے کہ دیگر ممالک کے ساتھ ہونے والی تجارت نئے بازاروں، نئی ٹکنالوجی اور نئے کاروباری طرز عمل تک رسائی فراہم کرتی ہے۔ کینیڈا نارتھ امریکن فری ٹریڈ ایگریمنٹ (North American Free Trade Agreement (NAFTA)/l’Accord de libre-échange nord-américain (ALENA)‎) اور عالمی تجارتی تنظیم کا رکن ہے۔

کینیڈین کاروبار ایک انتہائی مربوط عالمی معیشت میں کام کرتا ہے جس میں سرمایہ کاری، ٹکنالوجی، افراد، اشیاء اور خدمات کا بین الاقوامی سطح پر تبادلہ روزانہ عمل میں آتا ہے۔

بین الاقوامی تجارت میں کام کرنا

ہر طرح کے آجروں: مینوفیکچرنگ کمپنیاں، برآمدد کنندگان، درآمد کنندگان، بینک، تجارتی گھرانے، سرکاری ایجنسیاں، شماریاتی کمپنیاں، فرائٹ فارورڈرز، اور کسٹمز بروکرز کے پاس اصولی طور پر سبھی صنعت میں بین الاقوامی تجارت سے متعلق کیریئر کے مواقع دستیاب ہیں۔

بین الاقوامی تجارت کے پیشوں میں شامل ہیں:

• بین الاقوامی سیلز اور مارکیٹنگ: بین الاقوامی بزنس ڈیولپمنٹ منیجرز، مارکیٹنگ منیجرز، بازار میں ہونے والی تحقیق کے تجزیہ نگاران، مارکیٹنگ کے نمائندے۔
• بین الاقوامی شماریات یا عالمگیر سپلائی چین منیجمنٹ: بین الاقوامی سیلز منیجرز، برآمدات کی سیلز کے نمائندے، پروکیورمنٹ منیجرز، ٹریڈرز، مارکیٹنگ ایجنٹس، شماریاتی رابطہ کاران، اشیاء کی ترسیل کے ماہرین، کسٹمز انسپکٹرز اور بروکرز، فرائٹ فارورڈز، درآمد / برآمد کے تجزیہ نگاران
• انٹرنیشنل آپریشنز منیجمنٹ: برانچ پلانٹ منیجرز، جوائنٹ وینچر ایڈمنسٹریٹرز
• بین الاقوامی مالیات: خرانچی، غیر ملکی سرمایہ کاری کے تجزیہ نگاران، بینک آفیسرز (کمرشیل بینک، سنٹرل بینک یا انٹرنیشنل ڈیولپمنٹ بینکوں میں)، انشورنس بروکرز، خطرے کے تجزیہ نگاران
• بین الاقوامی تجارت اور سرمایہ کاری: انٹرنیشنل ٹیکس اکاؤنٹنٹس، کنسولیڈیشن اکاؤنٹنٹس، ٹرانسفر پرائسنگ کے ماہرین
• بین الاقوامی قانون: اقتصادی تجارت سے متعلق وکلاء، سرمایہ کاری سے متعلق وکلاء، انضباطی امور سے متعلق وکلاء
• بین الاقوامی تعلقات: ٹریڈ کمشنرز، تجارتی تجزیہ نگاران، بین الاقوامی تجارت کے معلمین۔

ہنر اور تربیت

بین الاقوامی تجارت میں کیریئر بنانے کی کئی راہیں موجود ہیں۔ ہائی اسکول کی تعلیم کے حامل افراد داخلے کی سطح والی ملازمتوں میں داخل ہوسکتے ہیں، کمپنی کے داخلی اعمال کے بارے میں جان سکتے ہیں، تجربہ حاصل کرسکتے ہيں اور بتدریج بین الاقوامی سرگرمیوں میں منتقل ہوسکتے ہیں۔

بہت سارے پیشوں میں ثانوی کے بعد یا خصوصی نوعیت کی تربیت کی تجویز کی جاتی یا مطلوب ہوتی ہے۔ پورے کینیڈا میں کمیونٹی کالجوں اور یونیورسٹیوں میں بین الاقوامی تجارت اور کاروبار میں وسیع پیمانے کے تربیتی پروگرام دستیاب ہیں۔

بین الاقوامی تجارت کے پیشہ ور فرد کی حیثیت سے رضاکارانہ استناد دستیاب ہے۔